Devotion Message No.7

THUPI: Ahithei le lhenchom tetah jengjong ahinlhep lhah ding ahi.

       Text-Matthew 24:24.

Tahsanna konna mitamtah hungpullhading ahi. 1.Tim 4:1 Lungset nakhang kichaikonlam ahitan satanpa dinga jong ima lam jouse a advantage lahnaphat hoi le kino phattahchu ahi. Jesu leija alenlaijin amelma lenpen chu Pharacee hole sadducai ho ahi. Amahochu tulaija pengthahlou houlamkai hole Theologian ho tobang ahi.

Chutima chun igamsung uva Rev./ Pastor tamtah Devolopment Easy money network a mitamtah alhamangtai. Chule tulaitah in tahsale lhagaothu a iboi nau vannoija mihem lubuh sim na census mijat sim na maimaija limlah chu mitlaivom te ni le khutjung jousekila ahi anasa ngaije. Hiche Biometric census a chun UID tin aminputsah u vin Aadhaar Card tin asahkit tauve.

Satan in lhenchom tamtah ho le lhacha ho hi vannoi haona le hoina thilpha ho alhep jing u ahitai hiche census jong hi the census of India for world population atin ahi. Rev./ Pastor tamtah in ima tipon te kilah u vin atiu vin ahi mitampi boina ahijeh in khol giljep ngai ahi. Bio-chip akikapkal se u chu Rev 14:9 khu ahijing e 2nd Theso. 2:3-11 ch 3-4 koimakilhep lhahsah hihun 666 kiphong masang a lhahmang namasading ahi hungki Pathensah ding u ahi. Ch.5-6-7: ipi abolvangu va Rapture a um nailoujeh a atuhtangkhat um ahi amahochu kiphongdoh nom u ahitai.

Ch.8-9 Rapture aikchaiphatle agiloupa mangthah chapa chu hung kiphong dohding ahitai. Ch.10-11 hiche teng chule ithupi u le hichesunga kisei rapture jouva dalhah ho chu akilhemlha le tahsanna pullha ho chu nomle da le 666 no hi kachan ding ahiti ahinkihetbep diu ahi.

Amaho chu huhhing a umnading a ngailutna le thutah aum loujeh uva tonsot themmo changding ahi tauve. Asohchatna diuva Pathen le mihem thilbol theina um lou ahitai. Sopite chingtheijin kikholphau hite.

Asim jouse Pathen in vangboh tahen.

Keima,

Evan Dr Khaijang Touthang

--------------------------------------------------------------------------------------------------------------------------------------------------------------------------------------------------------------------------------------------


​​Sunday Devotion Message No. 8

1st March,2015:

Hitabang phatpha eipe a Pathen thangvahna kapen ahi. Chuleh Fb Thadou group a Pathen thu seidoh thei nading a phat ei hin gonpeh a lamkai hochung ah adeh Pu K Lhouvum chung ah kakipana kahin phong e. Tuni a ihou lim khom nadiu va kadei chu ahileh

Topic - Christa a kon a damna.
Text- Mark 5:25-34.


Hiche lai Bible chang ho a hin Numei A thilong a dam mo khat ana um e. Ama nu hi tulai louthem ho seidan hileh Gynae (numei natna) nei kiti di dan ahi. Ama hi kum 12 sung jen thilong a ahi. Kijen na thei mun jouse a sum le pai tamtah seng a ana kijen hidan in aseijin ahi ahivang a dam deh lou ana hi. Hichan a akijen nung a aphatdeh lou helvang chu nasatah a alung lhah ding dan chu lungset um mama ding anahi e. Eiho pao a kiseileh athi leh kithitan te hijat kiseng a, lou them jouse kom a kiche a kidam dehlou atidi ginchat a um e. Hiti a lung lha tah a a um laitah a chun Pakai Jesu in mi tamtah dam lou ho adamsah theije tithu ana ja tan ahi. Pakai Jesu in eidamsah theijin te ti tahsan na anei tan ahi.

A. Hiche numeinu umchan dol gah veo hite:
1. Damlou/ Thii long, put.2. Kidah um (isreal te dan a athenglou) 3. Thet um tah 4. Lung lhadeh 5. Kinepna beihel (hopeless) 6. Lung mon na bei hel hinkho 7. Jum/ Jahcha lih dihita.

B. A tahsan dan gah veo hite.
Hiche a thilong a damlou nu hin Jesun eidam sah theijin te ti tahsan na aneijin ahi.
1. Eidamsah theijinte. 2. Moh pong tahsan jeng ahi. 3. Sonlel na neilou hel in atahsan e. 4. Hangsan tah in atahsan in ahi. Jachat na beihel in atahsan in ahi. Pakai Jesu gah mu a tham khah mai maija dam jeng ding in atahsan in ahi.

C. Mipi lah a ahung in kinemsah tah leh tahsan na neitah in Pakai Jesu ponsil a mong neo cha khat chu agah tham kha tan ahileh adam tan ahi. Pon mong agah tham khah a chun numei nu in adam mo na chu aphatai ti gang tah in ahepaijeng tan ahi. *Tahsan nan bou tahsa leh lhagao va damsah thei na tha anei ahi ti muthei ahi*
Hichepettah a chun PakaiJesu in *Ka ponsil mong thamkha koiham* tin ahol le...aseijuite hochun mipi hijat lah a iti eithamkha a um e ti a na hol le ham tin asei uve. Numeinun tahsan na neitah a atham khah chu ahet ahi. Koiham kaponsil mong thamkha ti a ahol laijin numei nu chu gicha tah in a ang ah aboh khup in kei kahi Pakai tin asam tan ahileh

Pakai Jesun CHANU NATAHSAN IN NADAM SAH AHITAI LUNGMONG IN CHETAN ATI. Pakai jesu in atham kha nu mel chu a mu nom bang a chu nang leh keijong I Pakai Jesu in imel u a mu nom ahi.

Hiche a numei thi long nu bang a dam o, lhagao va dam lou ium uva ahileh hiche numei nun hangsan tah a Pakai Jesu ponsil mong aga tham a adam jeng bang in nang jong Pakai angsung ah kipe lut lechun DAMNA na muding ahi.

Pathen in athu phatthei boh tahen. Amen.

Rev Mangkholal Kipgen
Missionary to Arunachal Pradesh