STATUS REPORT: HAOLENPHAI AS A SMART CITY AND INTL /COM. BORDER TOWNSHIP
By: Michael Haokip

Thumakai
Haolenphai hi India leh Myanmar gamgi chin a um Moreh akon 3 KM nuoilang Chandel District, Manipur sung a Thadou khuo, Imphal akon suolam a um 116 KM a gamlha ahi. Hiche khuo hi in 100 vel ahin, akhuo mipi ho hi thinggam leh thinglhang lei a kihinsuo ahina ban uvin ahinkho uhi agamleiset, pu leh pa chondan, heng leh kom toh kimat na khosa leh hing ahiuve.
Haolenphai hi news lah dung a 2012 akon in Govt. in gam lah na ding plan aneije tia kon ahung minthang lheh pan tan ahi. Amasapen in New Township akitin, aban in Smart City akitikit in chujouvin International Border/Commercial Township tin ahung kisei ging in ahi.
I. Haolenphai kho thusim
1. Haolenphai hi 1992 kum a kiphutdoh ahi.
2. Pu Jamkholun Haokip in Pu N. Mongching Moyon, Chief of Mankang Village akon in 29-04-1997 nikho a Registered Sale Deed in tua Haolenphai gam tia kihe ho hi ana kichoh in ahi.
3. Pu Jamkholun Haokip in Pu Lalkholun Haokip a ding in Gift Deed in Haolenphai gam hi ana pen ahi. Hiche gift deed hi tun vang register akibol tai tin Pu Lalkholun in asei in ahi.
4. Haolenphai gam hi tuni geijin Manipur govt. in recognized villages list (gazette) in hetpeh aneipon ahi. Amavang, 2012 akon in Hill-House tax ape pan uvin ahi.
5. Phatkhat laija Mankang leh T. Minou te khuo ahin, tuhin hiche gazette chu akipohdoh uvin Chandel Headquarters gam a kho chu achondoh/akipohdoh tauvin ahi.
II. New Township adia tongon thusim
1. Manipur Chief Minister ngehna dung juija TCPO Officials akon K.K. Zoadder, Addl Chief Town Planner, Commissioner (Revenue) leh adang Govt. officials jaonan Moreh kom a Haolenphai gam chu 25th – 28th July, 2012 nikhon 3000 Acres aga veu ve.
2. June 6, 2013 nikho in Commerce & Industries Department in 3000 Acres gam lah na ding lekha thot chu Govt. of Manipur Secretariat in Commissioner (Revenue), Govt. of Manipur heng a ana piuvin ahi.
3. August 30, 2013 nikho in Revenue Department, Govt. of Manipur in Deputy Commissioner, Chandel District heng a agangthei pen Director (Com. & Ind.) leh director Settlement & Land Records toh kitho a natoh anei ding a hetsah anei e.
4. September 13, 2013 Deputy Commissioner, Chandel District in Addl. Deputy Commissioner, Moreh heng a Land Schedule leh Ownership thu kholna leh report chuleh gam lah na ding a process – Land Acquisition Act, 1894 dung juija apeh ding a hetsahna anei e.
5. December 12, 2013 nikho in ADC Moreh, Haolenphai Haosapu, Security Officers, Moreh Police Station leh Govt. of Manipur cheng in survey ana bol uvin, vetchil ahina ban a akisei gam chu aumtheijin, anoija bang hi AS&SO Imphal East & Imphal West akon mi li (4) in ADC Moreh through a DC Chandel apiu vin ahi:-
a. North : Remaining part of Haolenphai (Hill Area) & residential area.
b. South : Tuidanglung Stream and Iron Bridge.
c. East : Border Road (Moreh to New Somtal Road).
d. West : Remaining part of Haolenphai Village (Hill Area).

6. December 6, 2013 nikho in ADC Moreh in DC Chandel heng a survey kibol na gam chu report apelut in ahi.
7. December 20, 2013 nikho in ADC Moreh in DC Chandel heng a Gam anei tah (ownership) thudol a hilchetna lekha thot aneijin, achung a Haolenphai thusim kisei Sl. No. 2-4 ho khu aseijin ahi.
8. December 20, 2013 nikho in ADC Moreh in DC Chandel heng a Gam anei tah (ownership) thudol a hilchetna lekha thot aneijin, achung a Haolenphai thusim kisei Sl. No. 2-4 ho khu aseijin ahi.
9. December 21, 2013 nikho in DC Chandel in Commissioner (Revenue) heng a gam kilah na ding mun thudol a hilchetna adihtah chu apelut in anoija bang ahi:-
a. District : Chandel
b. Village : Haolenphai (T. Minou/Mankang)
c. Name of land owner : Chief of Haolenphai (T. Minou/Mankang)
d. Boundary : same as II.5
III. Smart City thusim
1. 2012-13 kum akon project ana kipelut sa hijong leh, 2014 May lha a NDA Govt. hung kaidoh toh kilhon a Narendra Modi, Prime Minister of India lamkai na noija BJP party manifestos a India sung a 100 smart cities tundoh ding kiti hi Haolenphai a New Township kiti na mun a sahding leh bolding joh chu Smart City johdia Manipur govt. in plan/policy athah sem kit in ahi.
2. Smart city hi aumsa khopi ho semhoi na ding ahin, Haolenphai gam a semding kiti hi Manipur govt. in 3000 acres hi Smart city minput a agam leiset akilahdoh thei phot leh ti ahijieh a kihetmosah tah a achu tin ten ahi jon ahi.
3. July 17, 2014 nikho in Manipur Chief Minister in Assembly House a 3000 acres gam aki ladoh tai tin phondoh na aneijin ahi.
4. July 22, 2014 nikho in Konthoujam Govindas, Minister of Commerce & Industries, Govt. of Manipur in Imphal Free Press thulhut dung juija 3000 acres gam hi Haolenphai a akila tai ati akon in hiche Smart city chung chang hi ahung sousang pan tan ahi.
5. July 27, 2014 nikho in Haolenphai Haosapu Pu Lalkholun Haokip in Gam johdoh pong e tin phondoh na leh CM pa thusei niel kalna thusoh ahin neijin ahi.
6. August 25, 2014 nikhon TSA-GHQ makai na nuoija Public Consultation Program tin Kuki Inn, Imphal mun a akimang in, tin leh ha toh tho a Haolenphai gam huh ding tin kilungtoh tah kilolna ana kinei e.
7. August 29, 2014 nikhon KSO-GHQ makai nan Public Consultation Program tin Kuki Inn, Imphal mun ma ma a akimang kit in, TSA leh KSO kilung toh tah a tin leh ha toh tho a gam johdoh lou na dia pan lah ding tin kilolna akineijin, Members jong anatong ding mi lhendoh ahi. Amavang, hiche akilhengdoh lamkai hon natoh imacha apat tah lou jieh un TSA in aki limsah tapon ahi.
8. September 15, 2014 nikho in Union Home Minister Rajnath Singh, Governor of Manipur leh Chief Minister of Manipur heng a memorandum aki pelut kit in ahi.
9. September 18, 2014 nikho in TSA-GHQ in Manipur Govt. in Haolenphai gam a Smart City bolna ding decision alah na chung a aging thei pen a revoke aboldiuvin gihna aki neijin ahi.
10. October 21, 2014 nikho in TSA-GHQ in Chief Minister, Manipur heng a memorandum apiuvin, gam hi johthei lou ding ahi na ban a govt. in agang thei pen a hilchetna ahin bol ding a ngehna jong akinei e.
11. November 12, 2014 nikho in Manipur Press Club, Imphal mun a Press Conference aki kou vin, bandh di chung chang leh Manipur govt. in gam alah got dan doudal na thu akiseijin ahi.
12. November 16, 2014 nikho in TSA-GHQ in TS. Thurhring Anal, Chief of T. Minou vin Haolenphai gam tua Smart City ding a kila guo hi keija ahi tin chuna ahin neichu Thinglhang mite gam Meilhei ho akon kivenbit leh huh na dia na kitong ahijoi tin donbut naleh hetthem sah na akineijin ahi.
13. November 17, 2014 nikho in TSA-GHQ in 21 Oct., nikho a ngehna ho nahsah mo a akoi jieh a All Manipur bandh aki kou vin ahi.
14. November 19, 2014 nikho in Prime Minister of India Pu Narendra Modi heng a TSA-GHQ min in Smart City adia Haolenphai Manipur thinglhang mite gam hi deilouna memorandum akipe lut in ahi.
15. November 19-20, 2014 nikhon TSA-GHQ makai na nuoija 48 Hrs All Manipur Statewide Bandh lolhing tah in akibol in ahi.
16. November 22, 2014 nikho in TSA-D & NCR makaina nuoija Jantar Mantar, New Delhi mun a “Peaceful Protest: Save Tribal Land – haolenphai, Manipur”.
17. November 30, 2014 nikho in Manipur Sangai Festival khumkhana a Prime Minister of India heng a Manipur CM in Haolenphai a Smart city ding gam ka la tauve, hijieh chun Manipur a smart city khat chanvou nei piuvin atin ahi.
18. December 2, 2014 nikho in TSA-GHQ in Sangai Festival a Manipur CM pa statement deilouna aphon na ban uva Commerce & Industries Minister akon kihouna dia kouna lekha jong chu akisang pon akiche tapoi. Ajeh chu gam johna ding thudol a hi non-negotiable ahi toh kilhon a amahon joh tei tei ding agel jeh uva ki ki houthei lou ahi.
19. February 9, 2015 nikho in Union Minister for Commerce & Industries Pi Nirmala Sitharaman in Manipur ahung vil toh kilhon a Haolenphai gam a Smart City umding deilounan memorandum akipe lut e.
20. February 17, 2015 nikho in TSA in DC Chandel kom a RTI application file akibol in ahileh Smart City adding a plan ima aum poi ati.
21. March 12, 2015 nikho in Manipur CM in Haolenphai gam a 3000 acres gam New Moreh Township adia akive doh tan ahi ati.
22. August 27, 2015 nikho in India sung a Smart City kisah na ding phondoh ahitoh kilhon a Manipur adia chanvou khatseh a chun Haolenphai adalhan Imphal ahi tai ti mudoh ahin, hachang pa kipana khat chu ahi.
23. August 29, 2015 nikho in TSA-GHQ in PM of India heng a haolenphai gam Smart city a ajao tah lou jieh in kipa thuthot akineijin ahi.IV. International Border Township thusim (Tu leh tua dinmun)
1. January 15, 2016 nikho in HTC Moreh Office a HTC Moreh thalheng a President Jangmang Haokip, KCA Moreh thalheng a President, S. Haopao Haokip leh Gary T. Haokip kiti hon “Submission of Willingness 2000 acres of land for Intl Border Township” tia Manipur CM heng a lhungdia Commerce & Industries Minister through a lekhathot thot ding atiuchu Haolenphai Haosapu Pu Lalkholun Haokip in signature abol tapon, a leaked doh man tan ahi.
2. January 18, 2016 nikho in TSA-GHQ in HTC leh KSO Moreh ngohna leh gamjoh louna ding a hetsahna aneijin ahi.
3. January 20, 2016 nikho in Haolenphai haosapu leh Secretary in ngehna leh tiemna TSA-GHQ heng a gam huh na ding a ahin nei in ahi.
4. January 21, 2016 nikho in PS Haokip, President, KNO in Churachandpur a akouvin signature jong abolsah in ahi. Ginchat umtah in Submission of Willingness chu hiding ginmo ahi.
5. January 25, 2016 nikho in Jangmang Haokip, President HTC, Jamkholen Mate, President, KCA Moreh, S. Haopao Haokip leh Dr. Gary T. Haokip hon piehna ding a January 15, 2015 nikho a “Submission of Willingness” chu keiho nopna tah ahi pon, KNA/KNO hon eibolsah u ahi toh kilhon a Haolenphai gam hi huhding ti hon nam natong KNA/KNO hotoh kihou tauvin tin suhthengna leh phondohna anei uvin ahi.
6. February 6, 2016 nikho in TSA-GHQ in Chief Minister, Commerce & Industries Minister, Governor, Chief Secretary heng a Memorandum for registering objection to submission of willingness pehlut na aneijin ahi.
7. February 8, 2016 nikho in HTC Office a HTC lamkai hon seilouva khoh aum e tia kouna anei dung jui uva akalsong in ahileh signature abolsah kit un ahi. Ipi kijih a ipi kisei ham ti helouvin mohda jeng a thohna leh thina to sang in tin signature aboljin ahi. Ajing in Eimi Times a kimu dungjui in gam leh go pehdoh ding kana it chu kahet themlou jieh ahin, tun vang kahe them tai tin hilchetna leh suhtheng na aneijin ahi.
Thuchaina
1. Haolenphai gam hi Naga (T. Minou leh Mankang) khuo ahin, kihuh huh jong leh mi gam (Naga te gam) ahin, Naga ten eihin chu diu ahi ti hi jouthu leh bul leh bal um lou ahi ti Govt. records leh reports akon kicheh tah a muthei ahi.
2. Development kiti hi Govt. in field jouse a scheme aumsa (IAY, MGNREGS, BRGS, MSDP, IWMP, PMGSY, etc.) eipieh ho jouseu akimanchah hi ahi.
3. Gam beh ijat hamkhat govt. khut a piehdoh a govt. in anop nop abolna ding a nungmu kit loudia piehdoh ding kiti hi Educational Institutions/Hospitals tia particular ahi ngal lou leh development min a kilep le a joh jeng thei ahi poi.
4. Gam kiti ho Govt. khut a piehdoh ahi teng leh Govt. min a meilhei ten anop nop u alhunsah leh aboltheiju ahi. Ajeh chu govt. akiti teng leh atam tam a mipi thaneina ahin, Manipur a mipi thaneina chu Meilhei te (atam pen ahijieh uva) thunei na ahn, Meilhei hon lah Thinglhang gam lah na ding Policy bou agong jing kit uvin ahi.
5. Meilhei gamvah/thingnoi hon jong pansat nadia avetlel jing bang uvin, Govt. toh Cease-fire um henlang hileh phat masa laija KNO/UPF toh Govt. in thinglhang gam a meilhei thingnoi hon designated camp thinglhang mite chenna a sah lou dia kinop tona anei uchu Haolenphai gam hi govt. gam hitahen lang hileh thingnoimi camp jong aki koi na thei dinmun sang tah um ahin, meilhei te dia thinglhang gam annexation policy guilhun na khat jong ahi.
6. Commercial purpose a tu dinmun a thinglhang mite gam a township sahding kiti hi aguilhun leh eima gam a eima leh eima soh hiding hi eima leh eiman ikipohlut tina ahi.
7. Gam ngailut leh thisan a I gam huh doh khat hitia govt. plan/project um louva manthah na dia igam neisun govt. kom a pehdoh ding kiti hi ngailut na dih tah ahiding tahsan ahi pon, hijieh a angailu dihtah akihi leh mit leh mel a mujing ding a aphachom thil tamtah acheng ho leh agam mite phatchomna dia bol hijoleh dei um tah ahi.