Thadou Cultural Festival minsah ding ngaidan
---------------------------------------------------------------------
1. Chon
2. Hun
.
CHON

TCF min hi Chon Festival tia minputsah jeng din aphadem tihi gelthei khat chu ahi ajeh chu Chon kiti hi Thadoute thusima lolhinna lenpen golvah/golnop tobang ahi in Thadoute thusim, chondan, sakho thu a tahsan dan ho jouse podohthei khat ahi in, Thadoute tahsan dana mihem tahsa leh lhaogao thu (Thadou philosophy) podoh thei khat ahijeh in Chon hi Thadoute dinga hetjing dinga khohtah ahi.
.
Thadoute dinga Chon kiti hi mihem khat in ahinkho a tupledoi lah a sangpen chu ahi. Chon boljou kiti chu tulaijin huhhingna chang (apengthah) vangam kaiding tia itahsan u tobang ahi. Hijeh a chu Chon boljou ding chu Thadoute dinga hinkho a target lenpen anahi. (Masang pileputen doi anachoi lai uva atahsan u kisei ahi). Hindu philosophy aumin, Muslim philosophy aumin, Christian philosophy aumin chuleh adangdang aumin thinung hinkho a lhagao umdan (life after death) or leiset/mihem hung kisemdan tahsan dan hi achom chom ahin eiho Christian inahi masanguva ipu ipate hou Thadou hochun atahsan achepi dungjui uva chu Chon boljou hochu thinunga alhagao boilouva Peogal gammon/Mithikho lhungding tia ana gel u ahin hijeh a chu Chon chu Thadou khat dinga chu hinkho a target lenpen anahi.
.
Thadoute tahsan dana chu ithiteng Mithikho a kicheji ahi. Mithikho lhunna dinga chu Thijonbung lamtou kijotpa ahi. Thijonbung lamtou hahsat dan chu seija aneiju ahi. Thijonbung lamtou a chu kichat thei gamsa gimnei tahtah jong kitoh khathei tina ahin chuleh Kulsamnun jong lampi chu angahji lamkotna ana umji dana agellu ahi. Thijonbung lamtou kal jouse chun kulsamnu hit avetpaji u, Kulsamnu chun ahit vetsah dinga mi anamat tanji, ahentang denji, ajotna dingmun alhunsahji lou ahi tia agellu ahi. Atahsannu umdan chu milhasam koiman ija aselou ho chu kulsamnu chun ahensot ji dandeu titobang ahi. Hiche peldohna dinga chu Chon boljou ngai ahi. Mihem khat in Chon boljou nadinga chu Sa-ai, Chang-ai thumvei boljou ding, hiche ajo teng chuleh Chon kibol thei bep ahi. Sa-ai chang-ai bolding jong chu ami poupou in amoh bolthei lou dan ahi. Chondan tampi ana neiju ahin Thempu ho phalna lou/thempu ho approve bol louva koiman abolthei lou ahi. Chang-ai sa-ai boljou ho jong chu sangtah a anagel u ahi. Chon chuvang lolhinna sangpen (final stage of achievement in life) a agellu dan ahi. Tahsa thu jong ahitapon thinunga jong suhgentheija umtalou ding tahsa leh lhagaova galjou tobanga agellu hidan ahi. (Hetbai nadinga Chon kiseina chu kagah hilchet ahi). Chon boljou hochu athiteng LAANGA alapji u ahi tin akiseijin ahi. Laanga kilam kiti chu Langbom /Laang chunga alupsah uva chondan ipi pi ham abolji u ahi. Inmai langa thumvei aputdoh uva insunga thumvei aputlut kit uva formalities tampi abolji u ahi. Laanga kilam hochu Kulsamnun lampi a anamat tanji tahlou/jana apeh or akichat, asuhboi tahlou ahi tia agellu ahi. Gollui ho tahsan dana chu Chon boljou khel hih jongleh Sa-ai, chang-ai boljou ho jong chu Kulsamnu dinga huphul umtah dan ahi. Ancient civilizations ho thusim isimleh tahsan dan (believe system) hi ajat jat aumin Thadou ho tahsan dan, mithi kivuidan, thi lhahdoh dan hotoh kilou tahtah atamin ahi.
.
Mi athi tengleh alhagao lamkai dinga (Ui lamjong) atiu uicha khat anatha teiji u ahi. Uicha khu ichena jouse a imasanga lhaiji, gammang khalou ahijeh a chu mithipa lampi hilding/amapui ding dana chu Ui lamjong tia uicha chu athaji u ahi. Thilamsat- mi athi teng adeh a pasal sathat tam ho athiteng leh aluong chu lhanna akivui diteng thilamsat abolji uva thilamsat pa chun insunga kona hung kitoma "Kapu thasan lam nei otnin, kapa thasan lam nei otnin kacha ahunge (athipa chu chapa, tupa, hiche dungjuija chu aseiju ahi) tia amasang chu chempong a asat peh a lhankam chan hiti a chu abolla anunga chu thilong chu ajonnu/aput u ahi. Hilegao salenga in lampi a ot nadinga abollu tina ahi. Athipa chu Thijonbung lamtou akalna dinga chu lamhil dinga kithat uicha chun alamkaija athipan adam laija asatha jouse chun athipa chu apuijuva kilhonu ahi. Lamkah a alelna auma poh angaijong leh apohdiu tia tahsan ana neiju ahi. Hijeh a chu salen hatha hochu (Sakamkei, Humpi ngalchang) hatha hochu Sakamkei (keipi) hochun akilhonpi/amithipa masanga ache jeh uva chu Kulsamnu jong kicha a lamkot ana otji ahi tia atahsan u ahi. Thijonbung lampi a chu Kulsamnu ana umji lou, ana otdohji tina ahi. Sa-ai Chang-ai bol ho hitobang chu ahileh atahsan danuva chu Chon boljou ho chuvang Thijonbung lamtouva chu apohtou tho maitheiju ahi. Thijonbung lamtou hahsat dan chu pulepate chun gimnei tah a agellu ahi. Sa-ai chang-ai boljou lou milham hochu Thijonbung lamtou chu hahsa tah a kaldiu, uicha chunbou alamkai ding lamkima sahang kichat umtah tah akitopi ditoh, kilsamnun ana henden ditoh ui lamjong dinga uicha kithat hih dehdeh leh Thijonbung lamtou chu achanga kalding, thomhao tah leh kichatah a cheding tidan ahi. Hijeh a chu ithi jouteng Mithikho jona chena dinga kingaisetna, huphulna jeh a chu damsunga Chon le Ai hochu boljou teiding ti kihabol na ana neiji danu ahi. Muslim ho jongkhun damsunga itoh hoi dungjuija ithi nungleh reward kiki san ahi tia agellu/atahsan u ahi. Amaho khu Allah mina Martyr a thiho khu Vangama nungah Virgin 72 changdiu tikhu atahsan jeh uva amaho dinga khu suicide bomb po a pandi khu hahsa louhel dan ahi. Pasal numeija kiphamo thim ho dehdeh dinga suicide bomb po a pandi khu shortcut method phapen hidi ahi. Vangama Virgin 72 reward amulou leh vang kisih lheh didan ahi.
.
Gollui laija pulepate tahsan dan hitoh Hindu/ýoga tahsan dan kibang thim heu tekah thei jong aumin ahi. Akibah nalaitah chu ahileh Huhhing channa/salvation hi step by step (Hierarchy process) tobanga vetsah theina aumin ahi. Yoga a khun Salvation muna dinga Dharna, dhyana, Samadhi, MOKSHA kiti aumin achaina Moksha meaning hi Salvation tina tobang ahin ilhagao leiset a vaitham talouva Paradise a um ahitai tina ahi. Hindu tahsan dungjuija chu Moksha ichan louleh ilhagao chu leisetna pengkitkit ji, Moksha kaichu Paradise lhung ahitai tina ahi. Hiche banga chu gollui Thadoute chondan, kithoidan chomchom, kithoi, Chang-ai, sa-ai, Chon ana bol hou chu lhagao sochatna ding ngaitona jeng tobang ahi in, step by step a chetouva Chon chu achungnung pen ahi chutoh Hindu ho Moksha chu tekahna gah kibol ahi. Chon umdan hetthem nadinga kisei ahi.
.
Tukhanga hi eiho Christian ho tahsan ahileh Vangam leh Meidil aumin Vangam chu michonpha Jesu tahsan ho umna ahin Meidil chu michonse umna ahi ti itahsan u ahin chuleh thinunga lhagao sochatna chu eima tohphat jeh hilouva ngailut manna tahsan vanga huhhinga kium ahin, eima a kona kisuonna ding imacha umlou, Pathen mi ngailut vanga lungset mana tahsan vanga hunghing kichang ahi tia kiche pi ahi in gollui laija Thadoute tahsan vang chu eiman idamsunga itohphat/ ihatjou ichon jou jeh a chu thinunga lhagao chu jabolna changa ahi tia ana gellu ahi. Pasal gamleng mi chu pasal pha, thilha sangah in akichat tia agellu, changlemim neijou louma a lolhing chu numei loupina hikit ahi. Sa-ai boljou hochu athi teng asatha ho salen, humpi ngalchang ho chun mithikho lampi achena a chu lampi ana ot sohkei uleh Kulsamnu jong chun hentang ngamlouva lampi ana otji ahi tidana tahsanna ana neiju ahi. Alhangpi a Chang-ai chula numeiho a dana anagel kit u ahi. Numei ho dinga Chang-ai bolding chu lolhinna sangtah anahi kit ahi. (Pulepate thuchih khat in, “Chunjil dingin majot koltu choije, jo jil dingin paiva sonlha choije” anatin ahi.) Chate lah a anu kilo ding hon loulho nading tucha akichoijuvin, apa kilo dinghon meithal akichoije tina ahi.
.
Hijeh a chu pulepate chondan hohi phatah a ivet leh amoh bolbol u ahipon ajeh neitah a thil hohi anabol u ahin tukhanga pulepate tahsan leh achepiu (Thadou philosophy) atamjo ihegam tapouvin ahin chondan anabol hou atamjo hi ivetleh thinunga lhagao hinkho ding gelna joh a kibol atamin ahi.Chon boljou dichu Thadou khat dinga lolhinna sangpen, (greatest achievement in life) ahi. Tun Chon thu hi hilchen ding hileu hen ipatna diu chu Thadoute believe system a ipat diu, Thadoute chun hilegao anatahsan dan hou, Thing Pathen, Song Pathen, Tui Pathen ana hou uva, hilegao minho - Pathen, Thilha, Nungjainu, Gamhoise, etc ho ana umsah hou chuleh chondan chomchom anabol hou jouse Kilha lho, Sa-ai Chang-ai, etc thil jouse ahin huop thei ding Thadou chonlekhan abona kituptah a jihlhahna theiding golvah min ahi. Hijeh a chu Chon chu Thadou festival min kisa leh khonung channa pulepate umchan hochu iseidoh theinao leh tukhanga jong eihon chondan thah ho igopbe theinao jong hiding ahijeh a chu Chon chu Thadou Festival min dinga phading ham tichu ngaidan khat ahi.
.
Chon aboldanu chu achom lama seidin ni 7 sung Chon abollu ahi. Golnop thupi tah kibol ahi in kivah uva, ju kibuh uva, abol jouseu chu 7 vei abollu ahi akitin ahi. Mihem khat in Sa-ai Chang-ai abol jouva Chon hi boljou dinga aumphat a chu Chon abol ahi in hiche golvah chu julesa nengjella kivah u ahi.
Tu khanga eihon CHON iboldiu chu pulepate chondan hetjing dinga phaho geldoh jing naleh pulepate chondan chintupna ahi in ahivangin tahsan thu a hi eihon tukhanga itahsan utoh ikisemtoh uva ijui diu chu thil hoi khat ahi. Vetsahnan pulepaten Chon chu lolhinna sangpen in agel un eihon jong tahsa leh lhagaova lolhinna sangpen muna ding mun idelnao I goal u chu CHON tia igel uva festival kimang chu eltolnopna hilouva tahsa leh lhagaova chamkimna idelnao joh a igel diu chu thil hoitah khat ahi.

Eima festival min chu kumlhun golnop chuleh kum kipatna a golnop kibol maimai sangchun hinkho a lolhinna sangpena ana kinei, custom, culture, chuleh chonlekhan jouse toh jong hung kijop peh CHON chu festival min dingin kinei leh hoiding ahi.
---------------------------------
.
HUN
Hun kiti hi khangdong atamjon ana kija khapon ahin tehse ho a konin ihin nungjah kit un kipa umtah ahi. Hun kibol dan hi tehse ho seidana akija chu kumbulla muchi chivo kitu masanga pulepaten kithoina tobang type chuleh golnop jong hithou dana chondan ana neiju khat hidan in akijan ahi. Kumbulla natoh kipat masanga Pathen koma phatthei thumna leh golnop kibol tina dan hileh kilomin akimun ahi.
.
Achunga CHON leh HUN thu FAQ
.
1. Chon khu mimal in golnop abolna min ahin Thadou Cultural festival min dinga phading hinam?
.
Answer. Chon chu mimal in golvah anabolna min chu ahinai ahin tukhanga eihon Thadou Cultural Festival mina manna ding chu aboina umin kahepoi ajeh chu eihon Chon or Hun chu pulepate bolbang chet a bolding igot u ahipon Thadou custom, culture chuleh thadou thusim lhingsetna hetdoh theina chu ichepi uleh khonunga itu icha khang channa a scope lentah a iman theidiu leh I festival u chu eiho dinga Thadou thu ikijil naova iman thei diu thil ahijeh a chu deisah ahi.
.
2. Aum dan hi Hun khu festival type mong monga pulepate chun ana manu hileh akilouvin Hun hi festival dinga phajeng louding ham?
.
Answer. Hun hihen Chon hijongleh ahoimo chu aumpon, anini in dei aum gellin ahi. Ahin Festival min ding hi thusim neithei tah hileh deisah aumin ahi. Thusim neithei tah tidan chu ahileh Thadoute social life, spiritual philosophy, custom, culture, belief, etc abona huop a history record jihna thei hileh deisah aume. Tun Chon thu khu iseileh Chon chun Sa-ai, chang-ai ho jong ahuoptha ahitai. Chon kiboldan thu chu akisei teng Sa-ai chang-ai thu ho jong jaosoh ding chuleh hiche Sa-ai Chang-ai anabol hou jongchun Thadou custom, culture, belief, etc thil jouse ahin huop ding chuleh literature langa jong Thadoute thusim A to Z chan jihna thei ding jong hung hithei ding ahi. Vetsahnan Festival min Chavang Kut inasaovin ahi. Gollui laija Kut kiti chu akiman dan thusim leh ahung kondoh dan ho kicheh tah a hilchetna leh hetchetna jong aumbeh pon KUT iti leh kichai jeng ahin festival min khat chu thusim neitah hileh deisah ahi. Hun chu mi mipi golnop mong ahin phajenginte tichu valid point ahipon Thadou thu toh huoplen deuva hilchetna pehthei leh giltah a history jihthei ahileh hoicheh ding ahi.
.
3. Chon khu ni 7 kibol ahileh ni 7 chu kibol jouding hinam?
.
Answer. Chon min leh Chon thusim lahding chu deisah ahi in anikho leh golnop kiboldan chu eiman idei dandan a kisem thei thou ahi. Vetsah nan naloi nagol kollevai hihen koi hijongleh na festival min CHON ahung kondohna chu hindong bang lechun chomcha a jong hilchetna napeh thei ahetbe nom leh Thadou thusim leh Thadou ho sakho, culture, ho jouse ahung kondoh dan chu giltah a explain nabolpeh thei ahi. Indoi ho chan seidoh theina ahijeh a chu festival kinei khat chu deep-rooted ahi chu dei umtah ahi. Kut kiti hi ipi ham tia question min eibol leh kahepoi kapu kappa tehon Kut ana mangji uve tichu kahen ipipi abolji uvem kahepoi tijengding ho vang a value aumpoi.
.
4. CHON leh HUN hi hoijoh Thadou Festival dinga ahoijo dem?
.
Answer. Hoi sah dan hi jatchom cheh ding ahin point wise in kipeleh.
.
(1) Hun hi kumkhat a kumbulla phatthei thumna leh golnop kibol tina tobang ahijengin Chon hi ahileh tahsa leh lhagao thu a lolhinna sangpen celebration kibol tina ahi.
.
(2) Hun hi kumkhat a golnop khat ana kimangji ahi in hilchetna dinga hin Hun golnop thu bou ahuop tobang ahin Chon hi hilchetna dinga Thadou thusim jouse huop thei ahi, mihem khat ahungpena pat athi chan chuleh alhagao thusim chan Thadoute tahsandan thu jouse toh kaimat thei ahi. Festival min maiseh hilouva Thadou philosophy phondoh theina ahi. Ngambom mithi kho a ache thusim jong seidoh jeng theina ahi. Thadou mythology hohi tukhanga eihon thulah louva igel maitheiju ahin hitobang ineihou, Lenchonghoi leh Khalvompu kiti hohi kiletsah pi umtah ahi. History nei ihiuvin mythology neijong ihiuve.
.
(3) Hun hi Thadou thu historical records ho a vang akimu pon Chon hivang Thadou thusim kijihna history jouse tobanga kimu ahi.
.

(4). Chon leh Hun hi anini in ahoijin ngaidan khat chu ahikit leh Thadoute hin festival hi nilethum jong neimo ahipoi. Main Festival a ding, State govt holiday jong mujeng thei nadingin Chon hi festival pi in kinei henlang aphat hi Chavang lai, chang-at jou, November lha vel leh kibol henlang HUN hi kumbul February lhavel leh kumbulla Pathen koma phatthei thumna in kimangji leh ti ngaidan khat ahi. HUN kiti golnop/maicham semna hi state level a organize bolkhel ding kitida henlang ahin HUN hi akho akho a amangnom ho dingin nikho khat ki fix jongle vang phathou maithei ahi. District level a TI/TSA/TWA in a conduct dinga jong gonthei, kumkhat kumni chuvang state level in kimang henlang aban chu district level/village level a jong jomthei ding ahi (inop leh nampin kumbul taokhomna/maicham semna a jong gonmo hilou). Hun chu kho 2 kho 3 kinaicha cha honjong amankhom theiju, kichep golseh jong ajaosah theiju ahivangin kumbulla maichai semna chu focus hileh phalheh inte. Jingkah leh devotion service, sun leh kichep golseh, nilhah leh maicham semna a jong manthei ahi.
Ngaidan kihin sepkhom ahi.

====================

Thadoute dinga festival min chu CHON ahidan anaveu hite.

-------

1.

The Thadou (or Thado)

CULTURE
The Thadou are believed to have originated in the
caves of Tibet or China. Their own oral history says that an early chief sent his relative Chongthu to hunt. Chongthu found a cave and abandoned his hunt to return with the news. He returned to his village visibly excited and his chief was performing the rites of the underworld festival known as “Chon” and his presence was ignored.

www.myanmarburma.com/attraction/174/the-thadou-or-thado

---------
2

Festivals
1. Anal Festivals
- Ikam
- Inhla
- Philthabla (Hunting & fighting festival)
- Mikhemphan (Collection of money & food)
- Sungkhomlkhan (Fencing of village boundary with religious significance)
.
2. Thadou Festival
- Chon (A great festival of Thadous. Subdivided into Sha-ai, and Chai-lai).

chandel.nic.in/arts_n_culture.htm

--------------------
3.

William Shaw’s (1929) description about the origin of Kuki’s (It's Thadou not Kuki. Kuki origin is not Khul but the mouth of the Bengalis and the Britishers used that term since they came in touch with the Thadous (1780) approximately.) is recorded from his collected verbal information. The story goes like this: Noimangpa was the chief of subterranean region. Chongthu, a relative of Noimangpa, while hunting in the jungle with his dog, discovered a large cave. Chongthu, rejoiced at this discovery, gave up his hunting and went back to his village. He conjured up ideas of forming his own village on the earth. Meanwhile, Noimangpa the chief of the underworld was performing the ‘chon’ festival, in which everyone including chongja, the elder brother of Chongthu, Noimangpa’s son Chonkim participated.

https://en.m.wikipedia.org/wiki/Thadou_people

--------
4.

Chon Festival of Thadou
This festival is considered as the most highly priced and can be performed by those who have done the Sha-Ai (feast of merit) three times. The performance of the chon gave the soul of those persons a paramount seat in mithikho and ensured internal happiness.

nezcc-india.org/manipur/festivals.aspx

---------
5.
The Thadous believe that, after death, every soul goes to Mithikho. They believe that the bad spirit stops the soul of the person in the way to Mithikho. One Kulsamnu, the bad spirit is sitting in the way to Mithikho. She engages the dead person in catching her hair-lice. But the persons leading a virtous life by performing Chon festival, are given free access. The way to Mithikho must be made clear. Here bravery, strength and ability are expressed and the song is sung to open the way to Mithikho for a smooth journey to it.

Among the Thadou, after death, a man and a woman who have performed the Sa-ai and Chang-ai are honoured with a special gift.
.
Originally done by the Thadou himself, ‘Chon’ is performed by those who have done the Sa-ai three times, in which everything has to be done seven times. Seven mithuns are to be killed and everything else must be in multiples of seven. On this occasion, animals, specially the mithun is killed by ‘Chontul’, the only weapon used in killing the animal. Even the songs and geneological trees had to be repeated seven times.

The whole ceremony takes days to complete and the expense incurred is enormous. Even after the death of such persons the corpse had to be carried round seven times and verything pertaining to burial had to be done seven times, so that they resorted to smoking the bodies of such persons to avoid decomposition before the entire rites were completed.

Among the Haokip clan, ‘Chon’ is performed after celebrating thrice the ‘ai’s of one of the followings—Tiger, Bear, Elephant or Hornbil. ‘Langla’ is the only song sung by the Thadous at the burial of those who have performed the Chon festival. The Thadous believe that performance of chon gave the soul of a person a paramount seat in Mithikho and ensured eternal happiness.